CoDI Konfiguratzailearen ezarpenarekin emaitza onak lortu ondoren, Abantail-ekiko harremana finkatzeko konpromisoa berretsi egin du Masats-ek.

Masats-ek ingeniaritza-ekipoaren prozesuak automatizatzearen aldeko apustua egiten jarraitzen du.

Bezeroek eskatzen dioten produktuaren dokumentazioa oso konplexua da; ahalegin handia eta lanordu ugari behar dira hura sortzeko.

Dokumentazio automatizatua sortzeko CoDI Konfiguratzailea ezarrita, Masats-ek eskaintza-zikloaren prozesuaren automatizazioari eragiten dio eta horrenbestez, produktibitatea areagotu eta dokumentazio fidagarriagoa lortzen du denbora txikiagoan.

Bartzelonan finkatuta, Masats erreferentziazko enpresa da errepide eta trenbide bidezko garraioaren sektoreak hornitzeko ate elektrikoen eta pneumatikoen, nasen ateen eta jasogailuen osagarriak eta sistemak diseinatzen eta ekoizten.

Hitzarmen honen bitartez, Abantail eta Masats enpresek digitalizazioarekiko konpromisoa berretsi dute, CoDI Abantail teknologia baliatuta.